إهداء خاص أوي خالص جدا
إهداء خاص جدا إلى كل شبابنا الحلوين اللي لسه بيقولوا و ليه جمال لأ؟
ده حتى فاهم و متودك و خبرة في بيت الرئاسة و معرفش إيه
أهو طلع فاهم صحيح في الاستبداد و الفرعنة
مقال مجدي مهنا في المصري اليوم يوم الأحد
........................
صاحب مدونة البوابة نشر عن فضيحة التطعيمات ووزارة الصحة بالصور
الصور الحقيقة تقطع القلب فعلا...صحيح وزير الصحة الحالي بيشتغل بشكل مختلف و عن نفسي متوسمة فيه خير، إنما دي أخطاء نظام متراكمة من زمن طويل
تاني اللي بيقول خلينا ساكتين عشان نربي العيال...العيال هتموت من غير تمن
posted by arabesque @ 3:25 AM
6 Comments:
At 6/27/2006 5:40 PM,
الافغانى said…
علي فكرة فعلا دي اخطاء نظام متراكم ودعيني اكمل بعض من الياس بالقول ازاي حكومة 6 من وزرائها رجال اعمال وملياردرات يلقوا بعض الاهتمام للشعب اللي 45%منة تحت خط الفقر حتي عام 2003ونفتكر مع بعض موضوع الاجئين السودانين وغرق العبارة والمتظاهرين السلميين الضربوا بالجزم
At 6/30/2006 7:37 PM,
bluestone said…
الازمة الحقيقية مش في تغيير شخص .. لان تغيير شخص لا هيقدم ولا هيأخر.
الازمة في تغيير النظام ,,
حتى لو جيمي بجناحات ونازل من السما هو تربية نظام .. وعارف اللعبة كويس
تربية نظام بيعرف ازاي يفرغ اي حاجة من مضمونها ,, زي بالظبط التعديل الدستوري .. تغيير بلا مضمون ,,
احنا محتاجين نغير نظام مش افراد
At 7/02/2006 11:42 AM,
حدوته مصرية said…
هو فى احسن من جمال ده كله جمال و كمال وسرور
ربنا ياخدهم
At 7/03/2006 3:05 PM,
arabesque said…
الأفغاني
بعيدا عن اليأس..كلامك صح إنما لو فيه نظام مضبوط و برنامج وسياسة واضحة للحكومة ماكناش قلقنا من حكومة رجال أعمال لأن السيستم هيحكمهم
أم المريلة الكحلي
بس برده لا يغير الله ما بقوم حتى يغيروا ما بأنفسهم
bluestone
أكيد طبعا المشكلة في النظام كله مش أفراد بس، و الاعتراض على جمال مبارك اعتراض مبدئي لأنه لا يجوز التوريث و اعتراض على شخصه كمان كرمز و تربية النظام
حدوتة مصرية
منور يا فندم
At 7/11/2006 4:06 AM,
Anonymous said…
out of context:
missing you ... enjoy your trip
At 7/13/2006 3:43 PM,
مـحـمـد مـفـيـد said…
اولا انا من اشد المعجبيين بمجدي مهنا واتمني ان يكون مصيره غير وائل الابراشي وابراهيم عيسي انما وزير الصحه فربنا يعينوا علي البلاوي اللي ملاحقاه من اول ما مسك
Post a Comment
<< Home