seeking freedom

"There is only one good definition of God: the freedom that allows other freedoms to exist." John Fowles

Thursday, April 20, 2006

أمة ضحكت من جهلها الأمم

حوالي الساعة 2 صباح الأربعاء أذاعت الجزيرة خبر على شريط الأخبار بيقول "ألقت السلطات المصرية القبض على 150مختلا عقليا في محافظات مختلفة". حد شاف الخبر ده؟
طبعا كما هو واضح الخبر له دلالات عديدة. أولا: إن فيه 150مختلا عقليا في الشارع، و برغم إني شايفة ده رقم كبير ناس تانية قالت لي لأ ده قليل
ثانيا: اتضح إن وجود "مختلين عقليا" في الشوارع المصرية مش شيء طبيعي زي ما كنا فاكرين، ولا هو إجراء إنساني من الحكومة على أساس إن وجودهم مع الناس "الطبيعين" هيساعد على شفائهم، ولا إن الحكومة -أو حكومات الحزب المتعاقبة- عامية و ما بتشفش. لأ الحكاية غير كده خالص. الحكاية إن الحكومات ببساطة كانت مطنشة- كالعادة -لغاية ما فجأة لقيت إن ولاد ال...هايسببوا مشاكل فقررت ا"تلمهم" من الشارع
ثالثا: في تقديري المعنى الوحيد حاليا لكلمة "السلطات" هو الأمن، و بالتالي فحتى ملف المرضى النفسيين ترك بكامله للأمن يتصرف فيه
رابعا: هو ده الإجراء اللي الحكومة قررت تاخده في مواجهة أحداث إسكندرية- عشان نبطل نستهبل و نتبلى على الحكومة و نقول إنها ماعملتش حاجة و سبب الأزمة أساسا
خامسا: بما إنهم "بيلموا" اللي شايفين إنهم "مختلين عقليا" من الشوارع -و مش معروف بيقرروا ده بناء على إيه بالضبط- فمفيش حد محصن

10 Comments:

  • At 4/20/2006 11:40 AM, Anonymous مختار العزيزي said…

    رقم قليل طبعا لكن المشكلة دلوقتي ان كلمة مختل ومتخلف ممكن تنطبق باردوا علي حضرتك وحضرتي لأننا مثلا مدونين أو لأننا مثلا بنتكلم عن حقوق الانسان أو عن الآنسان - بلاش كلمة حقوق دي عشان ماتبقاش التهمة مزدوجة... فطبعا الموضوع خطير لأن لازم يبقي فيه وسائل حماية للمتخلفين عقليا المدافعين عن الحرية والديمقراطية فضلا عن حماية لإنسانية المتخلفين عقليا المتهمين في حادث الكنيسة وغيرها من الحوادث. أنا فلبي وجعني

     
  • At 4/20/2006 8:20 PM, Blogger arabesque said…

    مختار العزيزي

    بالضبط
    المشكلة إن مفيش فعلا أي معيار للحكم على البشر إذا كانوا "مختلين" و لا لأ، و يعني إيه جنون و من يحدده. طيب ده الكلام الثوري الجديد...لو اتكلمنا بالمنطق التقليدي و قلنا إن الجنون أو عدمه يحدده الأطباء النفسيين، ما أظنش أبدا إن أي دورية شرطة ماشية في الشارع هيبقى معها دكتور نفسي

    و بالتالي الحكاية كلها في ايدين الأمن، و لو ابتعدنا حتى عن المدونين أو النشاط السياسي، لو ماشي في الشارع سرحان مثلا-و دي بتحصل معايا-و لقيت نفسك في وسط الشارع و العربيات فجأة ممكن تصنف على إنك "مختل"و ياللا ع البوكس. ده غير فكرة الخبر نفسه قاد كل الناس كده إعلان إن عندنا "مختلين عقليا" في الشوارع و سايبينهم و بعدين فجأة الحكومة قررت تلمهم...حاجة مهينة أوي

     
  • At 4/21/2006 11:20 PM, Blogger voice of love said…

    دول لو فعلا هيلموا المختلين عقليا يبقى انا اول واحدة هتمشى تتلفت وراها
    ملحوظة خارج الموضوع : شكرا على المواساة

     
  • At 4/23/2006 12:39 PM, Anonymous Anonymous said…

    Freedom Lover

    One Arab Comedian once said “ Some Arab leaders are funnier than the comedians themselves” this applies to the way the govt handled this serious crisis by oversimplifying the whole problem and finding a scapegoat “a lunatic did it!” Nobody can tell when the govt will stop putting its head into sand and ignore that there is a real problem that should be figured out . If the Copts are wronged, the criminals whoever they are have to be punished ! Why not ! Omar Bin Al-Khatab did it 1400 yrs ago when he punished the son of Egypt’s ruler because of the well-know horse race event .Still , I think that the religious & spiritual leaderships can play more active role in such dilemmas by calling to calm down and popularizing the tolerance culture , I think that the govt role is limited to the security role- as you stated - not because they are helpless , but simply coz they don’t want to go to the roots of the problem which is the point .

     
  • At 4/24/2006 12:30 AM, Anonymous Rafat Amin said…

    فعلا خبر كوميدى بس ممكن يتفهم مع الخبر اللى قبله بأسبوع لما الحكومه افرجت عن اكتر من 800 من الاخوان ولما حصلت حادثه الاسكندريه حبت تلمهم تانى و ده كان الحل السعيد علشان الكل يبقى مبسوط حكومه و خرفان و كل عام و انتم بخير

     
  • At 4/25/2006 2:38 PM, Blogger arabesque said…

    voice of love

    ربنا يستر أنا كمان من اللي بيسرحوا كتير في الشارع...لا شكر على واجب

    Freedom Lover

    I totally agree with u. The government is simply busy with restricting the restricted political life.

    Rafat Amin

    تمام ..لما حصلت الحادثة كان شريط الأخبار على قناة الجزيرة بيعرض الخبر و جنبه خبر تاني عن حبس عدد من الإخوان- و مش قادرة أشوف الموضوع بحسن نية. عموما كفاية عليهم يلموا "المختلين" و الإخوان و مش مهم بقى تأمين مناطق زي دهب

     
  • At 6/08/2006 5:02 PM, Anonymous Anonymous said…

    This comment has been removed by a blog administrator.

     
  • At 7/22/2006 5:39 PM, Anonymous Anonymous said…

    This comment has been removed by a blog administrator.

     
  • At 3/06/2007 10:05 PM, Anonymous Anonymous said…

    I have been looking for sites like this for a long time. Thank you! » » »

     
  • At 3/15/2007 8:49 PM, Anonymous Anonymous said…

    Best regards from NY! »

     

Post a Comment

<< Home