seeking freedom

"There is only one good definition of God: the freedom that allows other freedoms to exist." John Fowles

Friday, February 17, 2006

انفلونزا

بعد شهر أو اتنين من التكذيب و لعن الإشاعات و ظهور رئيس الحكومة في كل مكان يؤكد خلو مصر من انفلونزا الطيور...لأ و بيهزر كمان و يقول" يعني نعمل ايه عشان الناس تصدق إن مصر خالية من انفلونزا الطيور..نطلع نأكل فراخ في التليفزيون" نقلا عن المصري اليوم
بعد كل ده، ظهر شريط أحمر فوق شريط الأخبار الأزرق المعتاد على القناة الأولى النهاردة الساعة 4 العصر بيقول:" انفلونزا الطيور تظهر بين الدواجن في مناطق بمصر" ا
المستفز بقى إن موجز الأنباء بتاع الساعة أربعة على نفس القناة ماجابش أي سيرة عن الموضوع

8 Comments:

  • At 2/18/2006 10:25 AM, Blogger KING TOOOT said…

    إعلان
    الأدارة العامة للتدمير الصحى
    بعد نجاحها الساحق للمواطنين فى توفير الزراعات المسرطنة بكافة أشكالها و توصيل المياة الملوثة لكل بيت لضمان إصابة كل المواطنين بحيادية و عدالة بالأمراض المختلفة و الموزعة على كافة المناطق , و بعد نجاحها الباهر فى التخلص من أكثر من ألف مواطن فى حادث العبارة المنكوبة
    تقدم الأدارة للمواطنين تحفتها الجديدة المستوردة
    ه أنفلونزا الطيور ه
    أفضل أهمال فى توعية الحالات
    أفضل تراخى فى إسعاف المصابين
    أفضل حالات الفساد فى توزيع الأمصال
    إذلال تام للمصابين
    توحيد الجهود للحد من ظاهرة ضمير الأطباء
    اقل توعية ممكنه للمواطنين
    ه تعالى أتعالج عندنا ه
    ه تضمن الموت مرضا ً أو كمدا ً ه
    أنتظروا المزيد
    مع تحيات
    الهيئة العامة لتصفية الشعب
    الأدارة العامة للتدمير الصحى
    لجنة الكوارث الخارجية
    _______________________
    و يجعلة عامر
    KING TOOOT

     
  • At 2/20/2006 4:27 PM, Blogger arabesque said…

    king tooot
    المفارقة إن الجهة المنتجة و المستوردة هي الوحيدة اللي مش عايزة تعترف بالإعلان
    أما المستهلك فبيموت كمدا كل يوم عشان ساكت أو بيتكلم بس من غير ما يتحرك

    ربنا يعدي الموضوع ده على خير فعلا...العاشرة مساء عرضت صورة لا تحتمل لكتاكيت ملقاة في عرض الطريق و الشاحنات بتدهسها كوسيلة للإعدام...وغالبا هي كتاكيت سليمة
    مفيش طرق أرحم من كده؟

    yawp
    حتى فرنسا فيها تخلف من النوع ده

     
  • At 2/21/2006 12:31 AM, Blogger allfollowsome said…

    متخافيش
    ثورة الطيور قادمة لا محالة

    دا انتى فى مصر
    يعنى الامن مستتب وكله فى الضياع

     
  • At 2/21/2006 2:54 AM, Blogger ايــــــــــــــــــوب said…

    يبقى ان مستشفيات مصر الحكوميه كلها تلقت منشورات وقائيه لانفلونزا الطيور منذ اكثر من شهر... لا تعليق ويجعله عامر

     
  • At 2/21/2006 12:45 PM, Blogger arabesque said…

    taher
    إذا كان البشر ما تحركوش...تفتكر الطيور هتثور؟

    أيوب
    من جهة عامر، فزي ما أنت شايف من ساعة ما ابتدت الفترة الجديدة و العمار حوالينا من كل ناحية

     
  • At 2/22/2006 10:21 AM, Anonymous Anonymous said…

    الحكومة الكندية بدأت بعقد اجتماعات دورية للمؤسسات التي تشارك بشكل مباشر أو غير مباشر في الحماية المدنية (المستشفيات و المطافئ و هيئة مكافحة الأوبئة) لمحاولة رسم السيناريوهات المحتملة لإنتشار الفايروس و اختبار مدى جاهزية الحماية المدنية للرد عليها. من ضمن النقاط المطروحة في حالة انتشار وبائي للفايروس هو كيفية التعامل مع جثث الموتى المحتملين ... و ضمان فاعلية مناطق العزل ... الخ.
    .
    .
    في شرقنا العتيق ما زال الإنسان يناضل ليفتك الإعتراف بآدميته

     
  • At 6/08/2006 5:01 PM, Anonymous Anonymous said…

    This comment has been removed by a blog administrator.

     
  • At 7/22/2006 5:39 PM, Anonymous Anonymous said…

    Your website has a useful information for beginners like me.
    »

     

Post a Comment

<< Home