seeking freedom

"There is only one good definition of God: the freedom that allows other freedoms to exist." John Fowles

Tuesday, August 09, 2005

عن الصحف الحكومية اليومين دول

مشهد
الزمان :امبارح بالليل
المكان:صالة بيتنا الموقر
الحدث: استلا م جرنال الأهرام بتاع النهارده من البواب
.......................................................
يجلس والدنا المصون على الكنبة بينما أجلس أنا على الكرسي المقابل له أقرأ بشغف جريدة المصري اليوم لأعرف تفاصيل موضوع الاعتداء على المواطن اللي كان بيعلق ملصقات لحزب الغد....يدق الباب
أقوم استلم الجرنال و بمجرد ما أمسكه
أنا: استغفر الله العلي العظيم...(بنرفزة و فقعان مرارة
الوالد:خير؟
أنا: من غير قراءة ولا كلمة أعطيه الجرنال ليرى ما شاهدته و هو احتلال صورة لمبارك لربع الصفحة الأولى تقريبا و هو يلمس بحنو بالغ كتف شاب-أمه دعياله طبعا عشان الريس وقف جنبه و صورته طلعت في الأهرام- ينظر للأمام بتعبير غريب يجمع بين الارتباك و الصدمة
الوالد: تلاقيه كان قرفان و هو بيحط ايده عليه (على أساس انه واحد عادي من عامة الشعب) 1
...............................................................................................
بعد برهة قصيرة
الوالد: ايه التخلف بتاع الأهرام ده
أنا: خير؟
الوالد: فاكرة الموضوع بتاع قاموس وبستر اللي وريتهولك من شهرين في الوفد...الأهرام نشر الموضوع دلوقتي على انه سبق صحفي و بيقول دكتورة في اداب عربي تكتشف ان قاموس وبستر يعطي تعريف مهين للعرب...الصفحة الثقافية في الوفد كانت نشرت حلقتين عن الموضوع
ملحوظة: الكلام اللي عن الموضوع في الأهرام عبارة عن خبر مع رأي الدكتورة وفاء فايد
تغطية الموضوع من شهرين في الوفد شملت رأي أكتر من أربعة دكاترة متخصصين على حلقتين...وأهم ما قيل عن الموضوع ان وصف قاموس وبستر للعربي مجحف و مهين للغاية يتضمن صفات كالمتشرد و الشحات ...الخ ، ولكن هذا من واقع أن القاموس-وهو قاموس انجليزي-انجليزي- يستقي معانيه من الناس و فكرتهم و صورتهم عن العرب. وأنه يجب أن تتواجد مؤسسات ثقافية عربية في الغرب تقوم بانتاج خطاب قوي يهدف للتعريف بالثقافة العربية و الاسلامية بدل ما احنا سايبين الساحة كده للايديولوجية الصهيونية و قاعدين نندب

2 Comments:

  • At 8/09/2005 6:31 PM, Blogger Taher said…

    حد يتنرفذ على الاهرام بالذمة
    طب امال فين ملحق الجمعة وملحق السيارات ( لانى مبيجبس الاهرام غير كل جمعة) والله دا ملحق الجمعة دا مسخرة
    خاصة مذكرات زوج سعيد جدا وبعض النكت البايخة
    وطبعا ملحق السيارات اكيد كله بيحبه
    يا جماعه بلاش اجحاف بالحكومة وانتم مالكم بوبستر ولا من غير بوستر
    الحكومة منزلة الجرايد علشان تفرفش الشعب مش تحبطهم وتقولهم فلان بيشتم وعلان عمل حادثة وبنت وزير صفوت الشريف اصدرت عفو عن مهندس خبطت عربيته بعربيتها واتنازلت عن المحضر حفاظا على مستقبله المهندس الشاب
    ربنا على الظالم والمفترى ويجعله خراب علىدماغهم

     
  • At 2/05/2007 5:57 AM, Anonymous Anonymous said…

    That's a great story. Waiting for more. » » »

     

Post a Comment

<< Home