seeking freedom

"There is only one good definition of God: the freedom that allows other freedoms to exist." John Fowles

Sunday, September 04, 2005

إشكالية المقاطعة

شخصيا توقعت مقاطعة القضاة للانتخابات . إنما النتيجة جت مختلفة و أعلن القضاة موافقتهم" المشروطة" على الإشراف على الانتخابات وكلمة "المشروطة" كانت غامضة و غير مفهومة و هو ما دعا مذيعة قناة الجزيرة امبارح لسؤال هشام البسطويسى عن جدواها و هل معناها امتناع القضاة عن الإشراف مادامت شروطهم لم تنفذ
أوضح البسطويسي إن قرار القضاة هو قبول الإشراف على الانتخابات ، و لما سألته المذيعة تاني عن سبب إشرافهم على انتخابات مشبوهة واحتمال التزوير فيها عالي، قال إن السبب رغبة القضاة في متابعة الانتخابات لكشف الحقائق بعدها للناس، زي ماكشفوا قبل كده في تقريرهم عن تزوير نتائج الاستفتاء بتاع تعديل الدستور
يعني القضاة ماقالوش مش لاعبين زي ماعملت كفاية و أحزاب المعارضة، لأ طوروا موقفهم بحيث يفضلوا فاتحين كل الجبهات وماسكين خيوط اللعبة. بصراحة موقف القضاة حسم إشكالية مقاطعة الانتخابات أو المشاركة فيها. رأيي إن المشاركة دلوقتي في الانتخابات بقت واجب بجد-مش الواجب اللي قال عليه الطنطاوي في خطبة الجمعة اللي فاتت
عندي دايما إيمان و يقين معين-ممكن يكون طفولي- إن الناس مش هتتحرك و تنزل الشارع و تدافع عن حقها إلا لو شاركت في الانتخابات و ادت صوتها لمرشح بعينه عشان في الاخر تلاقي واحد تاني كسب. ساعتها بس الناس ممكن تتحرك لأني هبقى عارفة إن صوتي و صوتك اتزوروا، و احنا دلوقتي في وقت تاريخي فعلا لأن الناس كلها طهقانة بجد. الناس في دمياط و راس البر كانت بتسب و تلعن في اليوم اللي مبارك راح يزورهم فيه بسبب وقف حالهم من صباحية ربنا عشان "فيه تشريفة". إنما طول ماحنا ساكتين و قاعدين في بيوتنا على أساس إنها خربانة خربانة و الانتخابات هتتزور هتتزور مافيش حاجة هتحصل. ازاي إنت ممكن تثور و تغضب عشان تزوير الأصوات و إنت مانزلتش تدي صوتك من أصله؟
بلاش دي. إذا كنا فعلا عايزين ندعم القضاة و نقف وراهم يبقى ننزل نشارك بقى في الانتخابات و نديهم حاجة يشرفوا عليها بشكل مستقل زي ماهم عايزين، بمعنى إنهم بالتعاون مع منظمات المجتمع المدني هيراقبوا عملية التصويت بشكل مستقل و يطلعوا تقرير في النهاية يقول الحقيقة. طبعا اللي طلع بطايق انتخابية طلع من زمان و اتقفل الموضوع، إنما الشباب اللي من مواليد 82-86 و اللي مشتريين منهم شوية بيحطوهم ديكور ورا مبارك في كل خطاباته الانتخابية ممكن يعمل فرق لو نزل يدي صوته حتى لو اتزورت الانتخابات-لأن فيه اللي هيكشف ده بعد كده
النظام هيكسب لما يقعدنا في بيوتنا و يلعب لوحده. مهم أوي عندهم حالة السلبية و اليأس اللي عند معظم الناس لأنها ببساطة بتمرر قوانينهم و ألعابهم القذرة و بتخلينا نفقد الثقة في نفسنا على أساس إننا شعب مات .ليه مانتحركش و ننزل ولو حتى على أمل واهي جدا إننا ممكن نغير بجد نتيجة الانتخابات؟ ليه حتى مانتحركش على أساس التحدي لفساد النظام ورغبته في تهميشنا و تزهيقنا؟
أنا عن نفسي قررت أروح أدي صوتي لأيمن نور-زي ما قلت قبل كده- عشان برنامجه الانتخابي. إنما حقيقي لفت نظري جدا في أحاديثه خاصة في برنامج العاشرة مساء على دريم 2 قدر ثقته بنفسه و أمله في الفوز واللي اعتمد فيهم على إحساسه بتأييد الناس في جولاته. جايز حد يقول دي مناورة عشان يدي الناس إيحاء بالثقة و ما يطلعش مهزوز؟ جايز بيلبس صورة البطل؟
الأراء و الجدل حول نور كتير، بس تظل فكرة الأمل.. و الرهان على الناس بالثقة دي.. والإيمان بإرادة الفعل عند الشعب المصري بالشكل ده محل احترامي و تقديري

5 Comments:

  • At 9/04/2005 3:15 AM, Anonymous Anonymous said…

    شكرا على الكلام ده لأن ده رأيي بالظبط

    قررت اعطاء صوتي لنور عشان البرنامج فقط، لكن بعد ما شفت ختام الحملة في ميدان التحرير النهاردة احترمت بشدة قدرة الحزب على التحرك في الشارع و التفاعل مع الناس بروح شبابية

     
  • At 9/04/2005 2:02 PM, Blogger TawTaw said…

    Good post arabesque it typically reflects my opinion, thanks.
    Constitution newspaper “Eldostour” astonishingly put an ad for Mubarak in its front page and another one beside Ibrahim Isa’s article, I don’t know about you, but now I really have no desire to spend any further money to buy another issue of this newspaper.
    I was in elghad’s conference yesterday, Nour dropped a hint that Ahmed Zouel might have a position in his new government. The way he answered the stupid questions of Nirvana and Ahmed Moussa at Orbit channel showed that this man is politically genius and can work under pressure.

     
  • At 9/04/2005 3:51 PM, Anonymous Anonymous said…

    I STRONLGY agree with all u said at the start, Arabesque, about being positive, and the judges' position, and supporting Ayman Noor.
    However, in the last part of ur post, when u said "This maybe a ploy, or that maybe he is wearing the role of the Hero", u give the impression that Ayman Noor might not be 100% confident deep down inside himself that he can win. It is clear that this in not just a romantic dream for him or for us. If the elections are not forged it is very possible that Mubarak will get less than 50% and Nour will be second, and so there will be a run-off between just him and Mubarak, and here, he can defeat Mubarak..again, IF the elections are not forged. And if they are forged Ayman Noor can unite with Gom3a and Kifaya and the Ikhwan to move the Egyptian people to bring down Mubarak, the forger because he is illigetimate.
    So, I disagree with ur last part about Ayman Noor and that maybe he is trying to make us feel he is confident. I believe that he believes in himself completely, and many people believe in him also, and feel he has a good chance to force a runoff election IF there is no forgery.
    We all must support Ayman (or Gom3a). The target is to NOT LET MUBARAK GET 50% so there is a runoff. I think that is possible, if the elections are clean.

     
  • At 9/04/2005 8:08 PM, Blogger arabesque said…

    No A7mad I am not saying that to attack Nour. I heard that comment myself from someone I know on his interview on Dream 2. I am just answering those who have some doubts about him... Perhaps there are some reservations about Nour, but HE IS THE BEST CANDIDATE AND THE REAL HOPE FOR CHANGE IN EGYPT NOW.

     
  • At 6/17/2022 5:15 AM, Anonymous Hailey said…

    Hi great reading youur blog

     

Post a Comment

<< Home