خمسة سبتمبر
الثامن من سبتمبر
سرادق عزاء بهائي الميرغني الشهيد في حريق بني سويف. شاهده أهله علي شاشات التليفزيون خارج النار و ظنوا أنه نجا، ولكن يبدو أنه حاول الدخول ثانية لإنقاذ البعض..ولم يخرج
أرملته تصرخ في انهيار: وبيقولوا مبارك أخد العزا فيهم..كله كدب..هو اختار اليوم ده عشان يموت فيه (تقصد يوم الانتخابات)ا
*****
الثلاثاء 20 سبتمبر
اعتصام صامت أمام الأوبرا يشترك فيه أهالي وأصدقاء الضحايا مع عدد من المتعاطفين..فيه ناس موجودة والشعار الكبير لن ننسى
شباب بيوزع بيانات لجماعة 5سبتمبرعلى الناس في الأتوبيسات و المواصلات والناس بتمد إيديها عايزة تاخد و تقرا
*
شفتها تاني بس معرفتش أسلم عليها.صممت أروح أكلمها. لسه باقولها الناس هنا أهيه ومش هاتنساه بكت.. انهارت قدامي.. ووقفت أنا عاجزة مش قادرة أعمل حاجة
*
صديقتي: الساعة تمانية وربع لازم أمشي.جاية معايا؟
لو روحت البيت مش هأعمل حاجة.وقفتي هنا لها معنى _
*
من المرثيات
ا"مايرد عليا وزير الثقافة...أنا داخل مسرح ولا أرافة"ا
*
من مطالب بيان جماعة 5 سبتمبر و الحركات المدنية المشاركة في الاعتصام والذي قرأه خالد الصاوي: " ترشيد الانفاق الوزاري بتوجيه تكاليف الاحتفاليات النخبوية والمهرجانات المنعزلة عن جماهيرنا إلى تقديمالخدمة الثقافية الحقيقية والآمنة في ربوع مصر."ا
*****
الخميس 22سبتمبر
ا"وقال وزير الثقافة للمصري اليوم: إن ما يحدث من تباك على الحادث أمر زاد عن حده، مشيرا إلى أن الحادث انتهى والوزارة الآن في مرحلة جمع التبرعات لأسر الضحايا" المصري اليوم ص1
posted by arabesque @ 1:45 PM
0 Comments:
Post a Comment
<< Home