seeking freedom

"There is only one good definition of God: the freedom that allows other freedoms to exist." John Fowles

Sunday, December 25, 2005

ع الماشي

حكم على أيمن نور بخمس سنين سجن
يبقى غالبا مش هنكمل الست سنين بتوع الفترة الرئاسية الحالية و فيه سيناريو جديد بيتطبخ في العلب لإحلال و تغيير و "تداول" السلطة والموضوع كله يخلص قبل خمس سنين
السيناريو الجديد يا ترى فيه إيه؟
وفاة عادية ولا محاولة اغتيال ولا وفاة"مفاجئة" ولا استقالة مسببة و تنحي عن السلطة
في انتظار مفاجآت الحزب الأوحد

11 Comments:

  • At 12/25/2005 1:35 PM, Blogger عبدالله النديم said…

    ع الماشى برضه هى رسالة بتقول
    يا حوش ارجعوا لشغلكم وبطلوا السياسة الايد البطالة نجسة

     
  • At 12/27/2005 2:18 AM, Blogger Taher said…

    هو لا وفاة عادية ولا مفاجئة
    هو حيخليه لما يموت بحسرته وجمال بيقعد على الكرسى
    وجهة نظر
    بقولك ايه افتكرى لنا اى حاجة تانية علشان الامتحانات

     
  • At 12/28/2005 12:57 AM, Blogger Romantic Rose said…

    و يطبخوا ليه يا بنتي .. ما خلاص اللي حصل حصل .. قضوا عليه قضااااااااء كامل .. لا ترشيح ف برلمان ولا ترشيح ف انتخابات رياسه ولا حتي ليه حق في ممارسة ابسط اشكال الحياة الدستوريه و هي التصويت ف الانتخابات او الشهاده ف المحاكم .. دولا دفنوه حي و اهالوا علي رأسه التراب .. و لتكن سمة العصر .. اضرب المربوط يخاف السايب ..

     
  • At 12/28/2005 7:32 AM, Blogger arabesque said…

    taher
    معلش حظك كده.. بالتوفيق في الامتحانات. على فكرة أنا لسه سامعة إن فيه لجان امتحانات و مراقبة بتروح السجن ..ما تقلقش خالص:)

    النديم
    هي فعلا رسالة إرهاب من الطراز الأول..المهم "الحوش" ما يبطلوش

    romantic rose
    منورة يا أمولة
    عندك حق هي ضربة جامدة..وهم ممكن في الاخر يطلعوه برده بسبب الضغط الأمريكي. لكن اللي حصل ده إذا كان بيثبت شئ فهو الغباء السياسي للنظام
    زي ما حد قاللي : هو دلوقتي بقى فعلا أيمن مانديلا

     
  • At 12/29/2005 7:36 PM, Anonymous tamer said…

    من ناحية الطبخ فية طبخ


    لكن نوع الاكل مجهول والحزب الحبوب عامل لينا مفاجئة


    شكرا على المشاركة لقيمة

    وفقنا الله لما فية الخير

    مع خالص تحياتى

    www.AFKaaaR77.blogspot.com


    www.3alam.blogspot.com

     
  • At 12/30/2005 1:17 AM, Blogger freedom said…

    المفاجآت الجاية كتير
    ولسه يا ما ف الجراب يا حاوي
    .............
    قلبي حاسس ان فيه مبادرة تاريخية جديدة
    المرة دي هتكون تعيين نائب

     
  • At 12/31/2005 4:03 AM, Blogger rubyeldaly said…

    بلاش نغتزل الوطن في قضية أيمن نور ده لما الرسول عليه الصلاة والسلام مات سيدنا ابو بكر قال من كان يعبد محمدا فان محمد قد مات ومن كان يعبد الله فالله حي لا يموت
    المسألة ان ده وطن اكبر مني ومنك ومن أيمن يعني لازم نفضل نفكر ونحاول وما نيأسش فالعجلة بدأت في الدوران ولا يجب أن تقف مرة أخري
    لا تدعوا اليأس يسيطر علي قلوبكم
    مصر حية لن تموت

     
  • At 12/31/2005 11:06 PM, Blogger KING TOOOT said…

    لو كلنا حبينا نقدر
    القدر حايشيل طموحنا
    ولو حاولنا يوم نفكر
    العقول حاتدوب فى روحنا
    أصغر الأفكار حا تكبر
    متشعلقة فى حبال نجاحنا
    بس لو حبينا نقدر
    KING TOOOT

     
  • At 1/01/2006 11:27 AM, Anonymous Anonymous said…

    مع خالص أحترامى بس السيناريو ده مش جديد ولا حاجه، السيناريو ده أحد أسباب تعديل الماده 76 بهذا الشكل لأن معروف أن مفيش حزب أو جماعه هتعدى كوتة الشعب والشورى والمحليات قبل 2010وبالتالى فى أى أنتخابات مبكره جمال مش هيبقى ليه منافس فعلى، مش هو ده المهم، المهم لو ده حصل هنعمل أيه؟

     
  • At 1/02/2006 3:32 PM, Blogger arabesque said…

    tamer
    ربنا يستر

    freedom
    المصري اليوم قالت إن عمر سليمان من الشخصيات العشرة اللي هتحدد مستقبل مصر في الفترة الجاية..تفتكر ممكن يكون هو النائب فعلا؟

    rubyeldaly
    أنا ماختزلتش أزمة مصر في أزمة نور ومعاكي إن مصر أكبر بكتير
    النظام الحالي لا يمكن يبقى هو مصر بكل تاريخها و تراثها، رغم كل محاولاتهم الفاشلة و الغبية في اختزالها في أشخاصهم الصغيرة الفاسدة

    king tooot
    تلات كلمات في الصميم
    "حبينا" و "نقدر" و الأهم "كلنا"
    لو فعلا يبقى عندنا الإيمان و الرغبة دول كلنا مع بعض هتفرق كتير
    تسلم على المشاركة والشعر الجميل :)

    anonymous
    هنعمل إيه؟
    ده أخطر و أكبر سؤال في المرحلة دي و مش عارفة إجابته عند حركات زي "كفاية" مثلا و لا مين
    إنما بشكل فردي متهيألي المفروض كل واحد يحاول يبحث عن دور ومكان يؤديه فيه
    صديق لفت نظري قريب لكمية الطاقة اللي بنهدرها بالشكوى و الغضب من غير منفذ شرعي مفيد للغضب أو الطاقة دي
    الأهم إننا نفضل واعيين وما نيأسش عشان لما تيجي اللحظة المناسبة للحركة نعرف ننتهزها..واللحظة دي أكيد هاتيجي لأن التاريخ علمنا إن بقاء الحال من المحال

     
  • At 2/14/2007 8:38 PM, Anonymous Anonymous said…

Post a Comment

<< Home